Sobirova Fotima Azamjonovna – kimyo fanlari bo‘yicha falsafa doktori (PhD). 1989-yilda Farg‘ona viloyati Rishton tumanida tug‘ilgan. Oilali, ikki nafar farzandi bor. Millati – o‘zbek. 2008–2014-yillarda O‘zbekiston Milliy Universitetida bakalavriat va magistratura bosqichlarini muvaffaqiyatli tamomlagan. 2017-yilda O‘zbekiston Respublikasi Fanlar Akademiyasiga qarashli akademik O.S. Sodiqov nomidagi Bioorganik kimyo ilmiy-tadqiqot institutida kichik ilmiy xodim lavozimida faoliyat boshlagan. 2018-yilda mazkur institutning “Quyi molekulyar biologik faol birikmalar kimyosi” laboratoriyasida tayanch doktoranturaga qabul qilinib, ilmiy izlanishlarini davom ettirgan. 2020-yilda Bioorganik kimyo institutida “Lagoxilin hosilalari sintezi, supramolekulyar komplekslarini olish va ularning biologik faolligini o‘rganish” mavzusida nomzodlik (PhD) dissertatsiyasini muvaffaqiyatli himoya qilgan. 2017–2023-yillarda ushbu institutda xalqaro ilmiy grantlarda ishtirok etgan: • “Soft dosage forms of haemostatics” (ПЗ-2017092157, 2019-yil), • FL-7923051771 (2025-yil), • YAPI-2021-50 (2018-yil). Ilmiy izlanishlari o‘simlik xom ashyosidan qon to‘xtatuvchi, gemostatik xususiyatga ega quyi molekulyar birikmalar sinteziga bag‘ishlangan. Bugungi kunga qadar 50 dan ortiq ilmiy nashrlar muallifi. Maqolalari Scopus, ResearchGate, Web of Science kabi nufuzli xalqaro bazalarda indekslangan jurnallarda chop etilgan. Shuningdek, bir nechta monografiya, o‘quv-uslubiy qo‘llanmalar va metodik ko‘rsatmalar muallifi hisoblanadi. 2023-yil fevral oyidan ALFRAGANUS universiteti Tibbiyot fakulteti Farmatsevtika va kimyo kafedrasida v.b. dotsent lavozimida faoliyat yuritib kelmoqda.