Ortikov Ilhomjon Sobirovich – kimyo fanlari bo'yicha falsafa doktori (PhD), katta ilmiy xodim. 1986 yilda Andijon viloyati Paxtaobod tumanida tavallud topgan. Oilali, 3 ta farzandi bor. Millati o'zbek. U 2009 yilda Andijon davlat universitetini bakalavr, 2011-yilda O'zbekiston milliy universitetini magistratura bosqichlarini tamomlagan. 2012-2024- yillarda O'zR FA O'simlik moddalari kimyosi institutida asperant, kichik ilmiy xodim, doktorant (DSc), katta ilmiy xodim lavozimlarida mehnat faoliyatini olib borgan. 2019-yilda “2H, -okso, -tiokso-5,6-dimetiltiyeno[2,3-d]pirimidin-4-onlarning kimyoviy o'zgarishlari” mavzusida falsafa doktori (PhD) dissertatsiyasini himoya qilgan. Hozirgi vaqtda “1,4-Dialmashingan 1H-1,2,3-triazollar sintezi va hossalari” mavzusidagi doktorlik dissertatsiya ishi ustida ilmiy tadqiqot olib bormoqda.