Бабаханова Дилноза Баходировна 1979 йилда Тошкент шахри Олмазор туманида зиёли оиласида туғилган, миллати ўзбек, Ўзбекистон Республикаси фуқароси, оилалик, олий маълумотли, мутахассислиги биохимик. Д.Б.Бабаханова 2003 йилда Мирзо Улуғбек номли Ўзбекистон Миллий университетини биохимия йўналиши бўйича магистратурани тугатган. Меҳнат фаолиятини 2003 йил Тошкент давлат педагогика институтида ассистент лавозимидан бошлаб, 2003-2020 йилларгача мазкур ташкилотда ўқитувчи, катта ўқитувчи лавозимларида ишлаб келган. 2021-2023 йилларда Чирчиқ давлат педагогика университетининг Биология кафедрасига 03.00.07 – Ўсимликлар физиологияси ва биокимёси ихтисослиги бўйича таянч докторантурага кирган. Кейинчалик 2023 йилнинг январ ойидан Алфраганус Университй Тиббиёт факултети Фармацевтика ва кимё кафедрасида катта ўқитувчи лавозимида фаолият юритган. 2023 йил 29 ноябр куни Ўзбекистон Милиий университети Биофизика ва биокимё институти ҳузуридаги илмий даражалар берувчи ДСc.03/30.12.2019.В.01.13 рақамли илмий кенгашда “Ультратовуш тўлқинларининг каламуш гепатоцитлари митохондрияларининг баъзи бир ферментлари фаолиятига таъсири ва уни коррекциялаш усулларини излаш” мавзусида диссертация ишини 03.00.01 – Биокимё ихтисослиги бўйича ҳимоя қилган. Ўзбекистон Республикаси Олий аттестация комиссияси Биофизика ва биокимё институти ҳузуридаги илмий кенгашнинг 2023 йил 29 - ноябрдаги 12 – сонли баённомасига асосан биология фанлари бўйича фалсафа доктори (PhD) илмий даражаси берилган (01 № 012014). ва 2025 йил 13 июнда доцент илмий унвонини олган ва ҳозиргача доцент лавозимида ишлаб келмоқда. Д.Б,Бабаханова илмий раҳбарлигида 7 нафар талаба битирув малакавий ишини ва 1 нафар талаба магистрлик диссертация ишини ҳимоя қилган ва 1 нафар талаба И.А.Каримов номидаги Ўзбекистон Республикаси Президентининг Давлат стипендияси совриндори бўлган. Д.Б.Бабаханова 3 та монография, 4 та дарслик, 3 та ўқув қўлланма, 2 та патент, 1 та грант лойиҳаси давлат стандарти рўйхатидан ўтказилган, 150 дан ортиқ республика ва халқаро миқёсидаги илмий журналда мақола муаллифи.