Турдиев Абдулло Сагдуллаевич, 1968 йил 23 сентябрда Қашқадарё вилояти Китоб туманида туғилган. Миллати — ўзбек. Оилавий ҳолати — уйланган, уч нафар фарзанди бор. 1985 йилда Тошкент политехника институтига ўқишга кирган ва 1987 йилгача ушбу олийгоҳда таҳсил олган. 1987-1989 йилларда Қуролли кучлар сафида ҳарбий хизматни ўтаган. 1989-1992 йилларда Тошкент архитектура-қурилиш институтида таҳсилни давом эттириб, 1992 йилда ушбу олийгоҳни "Қурилишда иқтисодиёт ва бошқарув" мутахассислиги бўйича тамомлаган. Меҳнат фаолиятини 1992 йили Иқтисодиёт ва статистика илмий тадқиқот институтида кичик илмий ходим сифатида бошлаган. 1992-1995 йилларда Ўзбекистон Республикаси Фанлар академияси қошидаги Кибернетика институтида аспирантурада таҳсил олган. 1995-2000 йилларда Ўзбекистон Республикаси Макроиқтисодиёт ва статистика вазирлигида бош мутахассис, 2000-2003 йилларда Қашқадарё вилояти статистика бош бошқармаси бошлиқ ўринбосари лавозимларида ишлаган. 2003-2005 йилларда Қашқадарё вилояти хокимлиги иқтисодиёт бош бошқармаси йиғма бўлими бошлиғи сифатида меҳнат қилган. 2005-2006 йилларда Бирлашган Миллатлар Ташкилоти Тараққиёт дастури лойиҳасида координатор ассистенти бўлиб ишлаган. 2006-2008 йилларда БМТ Тараққиёт дастурининг ҳудудларни комплекс ривожлантириш лойиҳасида қишлоқни ривожлантириш маркази менежери, 2008-2011 йилларда эса ҳамжамиятларни ривожлантириш менежери сифатида фаолият юритган. 2012-2014 ва 2014-2016 йилларда Тошкент архитектура-қурилиш институти иқтисодиёт ва кўчмас мулкни бошқариш кафедрасининг доценти, 2016-2022 йилларда эса шу кафедранинг мудири бўлиб ишлаган. 2022-2023 йилларда Инновацион ва ижтимоий-иқтисодиёт университетида иқтисодиёт ва рақамли технологиялар кафедраси мудири, 2023-2024 йилларда эса Тошкент ижтимоий инновация университетининг иқтисодиёт ва рақамли технологиялар кафедраси мудири лавозимларида ишлаган. 2024 йилдан буён "ALFRAGANUS UNIVERSITY"нинг “Молия” кафедраси доценти лавозимида меҳнат фаолиятини давом эттириб келаяпти. 1997 йилда иқтисодиёт фанлари номзоди илмий даражасига эга бўлган. Доцент илмий унвонига эга, рус тилини яхши биламан. Давлат мукофотлари билан тақдирланмаган.