Xoshimov Bobir Luxmonovich tibbiyot fanlari doktori, professor, Alfraganus universiteti klinik fanlar kafedrasi mudiri. Xoshimov Bobir Luxmonovich 1974-yilda Qashqadaryo viloyatida tug‘ilgan. 1990-yilda Ivano-Frankovsk tibbiyot institutining davolash fakultetiga o‘qishga kirib, 1996-yilda Samarqand davlat tibbiyot institutining davolash fakultetini tamomlagan. 1996–1997-yillarda Samarqand davlat tibbiyot institutining patologiya-anatomiya kafedrasida vrach-interna sifatida faoliyat yuritgan. 2001–2003-yillarda O‘zbekiston Ilmiy-tadqiqot Travmatologiya va ortopediya institutida (O‘ZNIITO) travmatologiya-ortopediya mutaxassisligi bo‘yicha klinik ordinaturani tugatgan. 2004-yildan 2023-yilgacha Toshkent shahar 4-sonli klinik shifoxonada va Chilonzor TTBda travmatolog-ortoped shifokori hamda bo‘lim mudiri lavozimlarida ishlagan. 2023-yildan boshlab Alfraganus universiteti Klinik fanlar kafedrasi mudiri lavozimida mehnat faoliyatini olib bormoqda .Toshkent tibbiyot akademiyasida 2024-yil 1-avgustdan № FM-20230414707-sonli buyruq asosida “Qon aylanish kasalliklari (uyqu va yonbosh arteriyalari aterokalsinozi) klinik-biokimyoviy va patogenetik muammolari, postkovid nevrologik, psixiatrik, suyak-bo‘g‘im asoratlarini davolash” mavzusidagi grant loyihasida ilmiy maslahatchi lavozimida faoliyat yuritib kelmoqda (2024-yil 16-avgustdagi 02975-edo-sonli buyrug‘i). B.L. Xoshimov 2012-yil 2-mart kuni “Optimizatsiya reparativnoy regeneratsii kostnoy tkani siklo-3fortom” mavzusida 14.00.15 – Patologik anatomiya ixtisosligi bo‘yicha nomzodlik dissertatsiyasini, 2024-yil 28-dekabr kuni “Tajribaviy gipodinamiya va metabolik sindromda magistral arteriyalarning morfologiyasi” mavzusida 14.00.02 – Morfologiya ixtisosligi bo‘yicha doktorlik dissertatsiyasini muvaffaqiyatli himoya qilgan. B.L. Xoshimovning ilmiy yo‘nalishi: magistral arteriyalar devorining morfologik tuzilishi, metabolik sindrom va gipodinamiya holatida qon tomirlarda kuzatiladigan morfologik va aterosklerotik o‘zgarishlar, ularning rivojlanish bosqichlari, patogenezi hamda korreksiya qilish yo‘llarini o‘rganish.